4060/2024-2025

Aizawl dated 3rd February 2025: Vawiin khan Mizoram Board of School Education (MBSE) leh Performance Assessment, Review and Analysis of Knowledge for Holistic Development (PARAKH), NCERT tangkawpin ni 5 awh tur, Holistic Progress Card (HPC) leh Standardization of Question Paper Templates tih thupui hmangin Workshop an buatsaih a. Pi Sarah Lalengzami Pachuau, Secretary, MBSE chuan Workshop hawnna hun hi kaihruaiin Pu David Lalthangtluanga, IAS, Special Secretary to the Govt. of Mizoram, School Education Department chuan Workshop hi a hawng a ni.

Workshop hawngtu Pu David Lalthantluanga, IAS chuan zirlaite hmasawnna tehfung atan exam-na an mark an hmuh piah lam ah an thil zirte a tak a an hman chhuah dan te, mi zing a an khawsak dan leh thil dangte huam tir tur a ruahmanna chuan zirlaite ah hmasawnna dik tak a thlen ngei a beisei thu a sawi a. Holistic Progress Card, a tak a hlawhtling tak a hman a nih theih nan hemi kawng a mawhphurhna nei zawng zawngte inpekna leh tanrualna a pawimawh thu a sawi bawk a ni.

He hun ah hian Prof. Indrani Bhaduri, CEO, PRAKAH chuan kawng hrang hrang a zirlaite hmasawnna dik tak hre tur chuan Holistic Progress Crad hman a tul thu leh Board hrang hrangin zawhna harsat dan inchen (Standardized question paper) an buatsaih thin a pawimawh thu a sawi.

Ni 5 awh Workshop buatsaih chhung hian Holistic Progress Card zulzui a Assessment Rubrics duan dan te, State question paper zirchianna te, Assessment design and blueprint siam dan te leh Model question paper duan dan zirtirna neih a ni dawn a. PARAKH, NCERT atang a mi thiam ten zirtirna hi an pe dawn a, Secondary, Higher Secondary School, IASE leh DIET atangin zirtirtu 50 chuang an tel a ni.

Sample Press Note or social media coverage (1).docx