General Elections to Lok Sabha, 2019 hun chhunga Model Code of Conduct hman laia State sawrkar ten hmasawnna hna kal lai an thawh theihna tur Election Commission of India emaw Chief Electoral Officer,  Mizoram atanga awlsam zawka phalna/dilna lak theih dan ' MCC Relaxation Request Online Portal' chungchang in hrilhhriatna hun chu vawiin khan Planning Department Conference Hall ah neih a ni. He hunah hian Department hrang hrang Secretary te bakah Nodal Officer leh Staff te an tel a ni. 

MCC Relaxation Request Online  Portal in hrilhhriatna hun hi ECI in ti tura a hriattir anga buatsaih a ni. He hunah hian Pu H.Lianzela Jt.CEO chuan thusawiin, Model Code of Conduct hi ram puma inthlan process a zawh hma chuan zawm tura tih a nih thu leh, ECI in  a hranpa in a nawlpuia thlahdulna atana phalna (blanket relaxation) a pe thei lo a, amaherawhchu he online portal hmang hian hmasawnna tura hnathawh tur MCC avanga tih khaihlak te  chhunzawm anih theih nana hman tangkai theih  dawn a, thawhtanni atang phalna dil nan hman nghal theih a ni ang.

MCC Relaxation Requests Online Portal hi department hrang hrangte hman tangkai tur a ni a, ziaka a dilna thehluh ngai lovin awlsam takin a hman theih ang. Department ten hnathawhna tura dilna an thehluh hi State Level Screening Committee ah a lut anga, ngaihtuah a nih hnuah CEO kaltlangin ECI hnenah a subject a zirin  thawn an ni ang, an ni hian an thuthlukna Department ah te an hrilh leh dawn a ni. 

MCC Relaxation Request hian MCC dan bawhchhiatna report  atana ECI in portal a siam cvigil.eci.gov.in chu a tawm anga.  MCC Relaxation Request bik ah hian  Ningani kalta (25th April 2019) tlai dar 6 atang khan ‘live’ in account siam a ni a, Department tin Secretary hminga kalpui tur a ni. Thawhtanni (29th April 2019) atang hian dilna te hi online a thehluh theih a ni ang. 

Pu CC Lalchuangkima, Deputy CEO in he inhrilhhriatna hun hi a kaihhruai a, Pu Alan Lalhriatpuia, Consultant, Technology Management Mizoram State e-Governance Society in technical presentation a pe a, Pu Malsawmzuala Asst CEO in lawmthu sawina hun a nei a ni.

Attachment

  • Loading attachment...