Vawiin khan Kolasib District chhunga Print leh Electronic Media mite chu Media Certification & Monitoring Committee, Kolasib chuan, Media Room, DC Office-ah ko khawmin Training a neihpui a. Inthlan kaihhnawih thu puanzar kawnga zawm tur thil te leh Dan zawm ngai te a hrilh.

Pu Liansangzuala, Master Trainer, Election & SDO, Kawnpui chuan Media mite hriattur thil chipchiar takin a hrilh a. Media te hian an hriat duh chi hrang hrangte an zawtin an sawi ho a ni. Thil an sawi tam tak zingah Party leh Candidate ten an infakna leh inzawrhna thil Pamphlet/ Booklet-a an tihchhuah apiang chu a chhuahtu Printer leh Publisher an tarlang ngei tur a ni tih tarlan a ni a. TV lama film leh advertisement ti chhuak tur te pawhin MCMC-ah certification an la hmasa ngei tur a ni bawk. Media mite chu Model Code of Conduct a thara zir chiang leh a, ECI dan bawh chhiat a awm lohna tura sulsutu ni turin he hunah hian ngen an ni bawk a ni.