Vawiin chawhma ah khan Aministrative Training Institute(ATI) ruahhmanna in MCS ni thar mi 15 te chuan Raj Bhavan tlawh in Governor Lt.Gen.(Rtd.) Nirbhay Sharma nen inkawmna hun an nei.

An inkawmna ah hian Governor chuan Mizo mipui nuai 11 vel chauh, lehkhathiam deuh vek si hian an theihna phu tawk chauh pawha hmasawnna a la thawhchhuah loh chhan officer lak thar te hi a zawt a. Mizo mipui ten an rilru inawng zau vin ram pawn thlenga eizawng tura chhuah  an mamawh thu leh ram pawn lam mi te pawh sumdawnna thila awlsam zawka an rawn luh ve theih a pawi mawh  nia an hriatthu  Officer lak thar te hian an sawi a. India ram chhunga Hindi a pawimawh chhoh zel vanga Hindi tawng Mizo mipui ten tun aia an thiam tam a pawimawh thu pawh he inkawmna ah hian sawichhuah a ni bawk. Governor chuan, “Mizoram in education, hriselna leh skill training a neih that phawt chuan rinphak baka sang zawk a thleng thei”, tih hi, “tawngka a ka sawi chauh a ni lova, ka thil tawn, hmuh leh hriat atanga ka hmuh lawk a ni”, a ti. Mizo officer sang tel te hian mi chanhai, lehkhathiam leh puih tlak nit ho si te chhawmdawl duhna thinlung an neih phawt chuan zoram mipui tamlo tak hi human resource a state hlawhtling ber ah an hlang kai thei ang a ti a. Official a lian leh te pawn Hindi hi thiam tum se State pawn lam nen indawrna bakah Central dawr thlengin a awlsam dawn bak ah sumdawnna leh zel ah te pawh a tangkai in a rin thu a sawi a. ATI hotute pawh State pawn lam mi hlawhtling leh mithiam chungchuang University lam mi te Visiting resource person atan hman ching tur in leh karkhat chhunga an training ni 1 tal chu Hindi Communication skills zirnan buatsaih thin tur in thurawn a pe a ni.

MCS Trainees te hi ATI Director Pi Ramdinliani leh Pi Angela Zothanpuii, Joint Director, ATI ten Governor hnenah hian an hruai a ni.

Attachment

  • Loading attachment...