Lunglei District Football Association (LDFA) hmalaknain Lunglei District chhunga football tihlarna leh chawikanna kawng pakhat 'Lunglei Super League(LSL)' khelh tum a ni a, hemi atana inbuatsahna kal mekah vawiin khan Saikuti Hall-ah Lunglei Super League-a tel tum Team, Manager leh Officials te pualin Seminar huaihawt a ni.

Lunglei Super League khelh turah hian 1st Division Club 8 an awm thei dawn a, chungte chu : Zotlang FC, Zohnuai FC, Bazar Veng FC, Venghlun FC, Electric Veng FC, Ramthar FC, Lunglawn FC leh Lunglei FC te an ni a. Super League khelh tur hi Lunglei-a football tournament neih tawhah chuan lawmman tamna ber tur niin Champion Team chuan pawisa faiin Cheng nuai 1 bakah trophy feet 4-a sang an dawng ang a; Team dang zawng zawng pawhin lawmman an dawng vek ang.

Lunglei Super League First Phase hi ni 24.9.2015 atanga khelh tan tur a ni a, 2nd Phase hi January & February 2016 chhungah khelh zawm a ni ang. Vawiina Seminar hi Chairman, LSL Board Pu Mark Lalthanliana'n a kaihhruai a, LDFA Hony Secy. Pu Zothanzuala Hnamte chuan players leh officials te inhmelhriattirna hun a hmang a. LDFA Sr. Vice-President Pu Jimmy Sailo chuan player-te hriat tur thil pawimawh hrang hrang a sawifiah bawk a; chawhnu session-ah Pu PS Lalngaihzuala'n coaching staff, physio & club official te hriattur thil hrang hrang sawizauna a nei bawk. Lunglei Super League Board chu a hnuaia mi ang hi a ni :

Chairman : Mark Lalthanliana

Vice-Chairman : Jimmy L. Sailo

Secretary : Lallawmkima Hmar

Asst Secretary : Zothanzuala Hnamte

Members :

1. J.Lalmuankima

2. Francis Lalnuntluanga

3. R.Lalduhsaka

4. C.Lalremsiama

5. P.S. Lalngaihzuala