Nimin Ni.2.5.2016 tlai dar 4:30 khan MCS leh MIS training nei mekte’n Chief Secretary Pu Lalmalsawma, IAS chu CS Conference Room-ah an hmu.
Pu Lalmalsawma chuan officer training nei mekte chu lawmpuina thu hlanin, hna vang tawh takah competition sang tak kara an tling thei chu an phu vang a nih rualin an vanneih vang a ni tel bawk tih a sawi a. Eng service-ah pawh lut tur chuan training neih that a pawimawh tiin, tuna Administrative Training Institute (ATI)-in training a buatsaih hian an kal leh zelna tur thui tak a hril dawn tih hriaa chhawr tangkai turin a chah bawk.
Chief Secretary chuan hun inher danglam ang zela mahni inher danglam thiam ve a ngaih thu sawiin, training mekte chu remchanna zawng thiam tur leh thiam bik neih tuma rilru seng turin a chah nghal a ni.
Training nei mek MCS 10 leh MIS 4 te hi ATI Director Pi Ramdinliani leh Joint Director Pi Angela Zothanpuii te’n kaihruaiin, Chief Secretary nena inkawm hona hun tha tak an hmang nghal bawk.
