Chakma Autonomous District Council hnuaia 10-Mondirasora MDC Constituency By-Election chu April 28, 2016 khan neih a ni a. He MDC Constituency-ah hian Polling Station 4 awmin, voter 1212 an awm a. Voter 1154-in vote thlakin, a pumpuia voter turn-out percentage chu 95.21% a ni. Vote tlak that berna Polling Station chu Adubangasora a ni a, voter 196 awmah 189-in vote an thlak a, vote tla zawng zawng hi 96.43% a ni. Vote tlak chhiatna ber chu Mandirasora a ni a, he khuaah hian vote 94.12% a tla thung a ni.

A hnuaia mi hi result chu a ni:-

 He inthlanah hian harsatna a thleng lo va. Vote thlak chungchang bakah inbiak pawhna lamah te, dan leh thupek kenkawh kawngah te pawh District Election Officer, Addl. DC, Asst District Election Officer leh staff-te, CADC thuneitute, SDO/BDO/Zonal Officer, Sector Officer-te, Returning Officer, Polling Official-te, SP leh District Police, MPRO, Political Party-te leh NGO te inpekna leh thahnemngaihna avangin a felfaiin a muanawm hle a ni. Tluang taka inthlanna neih a nih theih nana mawhphurtu leh tha thawhtu zawng zawngte chungah leh democracy tihlawhtling tura vote thlaktu mipuite chungah State Election Commission chuan lawm thu a sawi a ni.