No.2334/2020-2020

Aizawl the 23rd June, 2020: Mizoram Civil Service Association (MCSA) chuan COVID-19 hripui dona kawnga sawrkarin a tul apianga a hman tura member ten Rs. 16,47,640 an thawhkhawm chu Chief Minister’s Relief Fund-ah chhunglut in vawiin khan Chief Minister Pu Zoramthanga hnenah an hlan.

Vawiina MCSA-in CM’s Relief Fund an pek hi MCS Officer-ten an hlawhpui (basic pay) atanga 10% an thawh khawm a ni a, hlawh thawhkhawmtu zingah hian MCS Officer chawl (retired) tawhte pawh an tel a ni. MCSA hian March thla tawp lam khan COVID-19 dona atan hian CM Relief Fund-ah Association General Fund atangin Rs. 1,00,000.00 leh Association member-te ni khat hlawh thawhkhawm Rs. 5,30,650 a vaiin Rs. 6,30,650 an lo pe tawh a. Heti hian MCSA-in COVID-19 dona atana CM Relief Fund-a sum an chhun luh tawh zawng zawng chu Rs. 22,78,290 a tling tawh a ni.