1417/2022-2023

Aizawl, 29th July, 2022 :  Mizoram Departmental Officers Association chuan vawiin khan Taxation department Auditorium-ah an member  kaisangte lawmpuina hun an hmang a. Department hrang hrang atanga promotion hmu mi 41 hnenah lawmpuina citation hlan a ni.

Kaisangte lawmpuina hun hi MDOA President Pu C. Vanlalchhuana, Dy.Commissioner of State Tax in a kaihruai a.  Vice President Pu Lalchuailova, Dy. Director Art & Culture Deptt-in MDOA lo din chhuah  dan leh a din chhan te, a hmalakna hrang hrangte tarlangin thu a sawi a. General Secretary Pi Lalsangpuii Jt.Director, Trade & Commerce-in MDOA  dinhmun  report a pe bawk a ni.

MDOA hi sawrkar department hrang hrang atanga gazetted officer te intelkhawmna pawl niin kum 1982 khan din a ni a. Kum 2003 ah sawrkar recognized pawl lo niin tunah hian MDOA ah hian gazetted officer association 32 an tel a ni.  MDOA hian an member  kaisangte lawmpuina hi kum tin an nei a. Tun țumah hian nikum 2021 September thla atanga kumin 2022 July inkara promotion hmute hnenah lawmpuina hi hlan a ni.