Vawiin chawhnu dar 1 khan Mizoram Departmental Officers Association (MDOA) OB te chuan Pi L. Tochhong, Chief Secretary hmu in Chief Secretary anih lawmpuina an hlan bakah an kalphung siamthat ngai nia an hriatte an hrilh.

MDOA chuan departmental officer ten Mizoram Civil Service, Jr. Grade an luh theih ve thinna tihtawp anih chungchang thlenin Departmental Entry Grade Officer tana chance awm thin chu chhunzawm leh thuai nise tiin an thlen a, Pi L. Tochhong chuan lo ennawn anih tur thu a hrilh.

Departmental Officer 500 chuang tana IAS luh theihna chance pakhat chauh awm chu, a tam zawk siam nise an duh thu MDOA hotuten an thlen chu, Chief Secretary pawhin thil nihna awm takah a ngaih thu leh hemi chungchang pawh hi hotute lo sawipui a tum thu a lo hrilh bawk.

Time Bound Promotion (TBP), Organised Service te anga kaisanna rules siam leh Secretariat a thawk turin Departmental Officer te an department bikah tal dah ve nise tih pawh zir chian nise tiin he meeting hian an rel bawk a ni.