Vawiin chawhma dar 11:30 a.m. khanSchool Education Department Conference Hall-ah Mizoram Departmental Officers Association (MDOA) chuan an President Pu Lalchuailova kaihhruaiin an member kaisangte lawmpuina hun an hmang.

He hunah hian Pu K. Lalrintluanga, Additional Director, School Education Department leh Pu R. Zosiamliana, Deputy Commisioner, Taxation Department-te te kaisan lawmpui nan Pu R. Hmingthanzuala, Director, Art & Culture Department leh MDOA President Pu Lalchuailova ten lawmpuina citation an hlan a. Kaisangte hnen atanga thusawi ngaihthlak anih bakah member-te atangin Departmental Officer-te pawimawhna leh ram leh sawrkar tana nasa lehzuala tan lak a tul ziate sawiin an infuih thar pah bawk a ni. MDOA chuan Mizoram sawrkar leh mipuite tan theihtawpa hma lak zel an tum.