UNO hnuaia peng pakhat World Wildlife Fund (WWF) hmalaknain khawvel pumah kawlphetha renchemna kawng pakhat ‘Earth Hour’ hi naktuk March ni 16, 2016 (Inrinni)-ah hman leh tur a ni a. ‘Earth Hour-India’ hi rampumah naktuk zan dar 8:30 - 9:30 (darkar khat) inkar hman turah hian kawlphetha hmang chi reng reng ‘switch-off’ vek turin mipui zawng zawng ngen an ni.

Mizoram sorkar hnuaia General Administration Department chuan District Bawrhsap tinte hnenah lehkha thawnin, an thuneihna huamchhunga Village Council leh Local Council-te kaltlangin he ‘Earth Hour’ hi hmang ngei tura ngenna siam tura hriattir an ni a. Hemi bawhzuiin Office of the Deputy Commissioner, Lunglei chuan hriattirna chhuahin, Lunglei District chhungah pawh ‘Earth Hour’ hmang theuh turin mipuite chu ngen a ni.

‘Earth Hour’ hi tun dinhmunah India tiamin ram 172 ten kumtin an hmang ziah thin a ni.