Vawiin khan Mizoram Departmental Officers’ Association (MDOA)chuan School Education Conference Hall-ah Executive Committee meeting neiin service thila pawl hmalakna tur pawimawh an sawi ho a. Member zinga Director leh Jt. Director-a kaisang te lawmpuina an nei nghal bawk a ni.

Meeting hi MDOA President Pu Lalchuailova’n a kaihruai a. MDOA- in member kaisang a lawmpui te chu Pu George Lalromawia, Director, Soil & Water Conservation Department; Pu Lalhmachhuana, Director, Geology & Mineral Resources Department leh Pu T. Lalropuia, Joint Director, Forensic Science Laboratory Department te an ni.

M.D.O.A hi sawrkar department hrang hrang 28-a Officer-te telna pawl niin kum 1982 a a din tan atanga tun thlengin Department officer te dinhmun chawikan leh siam thatna kawnga hma latu a ni.