Vawiin chawhnu dar 1 khan I&PR Conference Hall-ah Mizoram Departmental Officers Association (MDOA) Executive Committee pawimawh tak neih a ni.

Meeting hi Pu Lalchuailova, President, MDOA chuan kaihruaiin, MDOA hmalakna avanga Department thenkhatten hamthatna an dawn tak, Department Top Post an luah ta te leh feeder post ah kum 5 tal awm phawt ngai thin te sorkarin hriatthiamna a nei chho ta chu lawmawm tiin, MDOA hmingin sorkarah lawmthu sawina a nei.

Vawiin meeting ah hian Department aiawhte an kal tha hle a, Department kal ve lo awmte pawh meeting leh chuan kal ngei nise tiin an rel a, Top post la chang theilo department te chuan hemi chungchang leh department harsatna chi dang dangte, January 2015 chhungin thehluh vat nise, hemi hmang hian Chief Minister concern Minister leh Chief Secretary te dawr nise tih an rel a ni.

MDOA meeting chuan chak lehzuala hnathawh theih nan leh Mizoram sorkar pawhin kalphung tha zawk a neih theih nan tanrual an tum thu an sawi a, theihtawpa sorkar tawiawm nise an ti bawk.