No.2351/2021-2022

Aizawl, 27th September, 2021 : Vawiin khan Mizoram Govt. Departmental Officers Association(MDOA ) chuan I&PR office ah tun hnaia an member kaisang te hnenah lawmpuina an hlan a. Department 12 atangin officer 67 hnenah lawmpuina citation hlan a ni.

Hemi puala function tawite buatsaih ah MDOA President Pu Lalchuailova, Dy.Director, Art & Culture Department chuan kum 1982 a MDOA din tirh atangin tun hi tum khatah a ruala officer kaisang lawmpuina hlan hnem ber tum a ni tih a sawi a. Sum leh pai harsatna karah MDOA member thahnem tak tunhnaia an kaisang thei chu a lawmawm tak zet tih sawiin Mizoram sawrkar chungah lawmthu a sawi a ni.

Member kaisangte lawmpuina hi officer mimal tin te hnena hlan tura MDOA in ruahmanna a lo duan chu hripui vanga kalpui theih a nih tak loh avangin MDOA chuan pawi a tiin officer te thawhna department kutah pek a ni ta zawk a ni.