Pu David L. Thangliana, Chief Media Officer, NLUP Media Cell kaihhruaina in Press mi ten ni 25-27 Sept. 2012 chhung hian Mamit District chhung khawthlang tlangdung leh Mamit chheh vel khua a NLUP hmalakna te a hmunah an tlawh a, heng hmun an tlawhna ah hian Line Department hrang hrang hotuten an tawiawm a ni.
Vawiin 27th September 2012 hian Media Team te chuan Pu V. Lalremthanga, District Bawrhsap, Mamit a chenna bungalow -ah tlawhin NLUP hmanga hmalakna hrang hrang an tlawh dan report an pe a. Mamit District-ah chuan a tlangpuiin hmalakna a that thu an sawi a. Line Department te pawhin theihtawp an chhuah ni a an hriat avangin lawmthu an sawi bawk a ni.
Heng Media Team te hian District huam chhunga kawng hrang hranga hmasawnna tur, Internet Facilities chhe lutuk te, khaw kar kawngpui dung hnim lutuk avanga harsatna awm thei te District Bawrhsap hi sawipuiin District Bawrhsap chuan theih ang ang a thuneitute hnenah a lo thlen tawh thu te hrilhin hmalak chhoh zel a nih tur thu te Media Team te hi a lo hrilh bawk a ni.
Press mite hi Pu David L. Thangliana Chief Media Officer, NLUP Media Cell in kaihruaiin Pu Lalrinmawia Sailo(Vanglaini), Isaac Laldinthara(Zozam Times) leh Thartea (Evening Post) te an ni.
