Vawiin chawhma khan Mizoram  Entrepreneurship Development Monitoring Committee (MEDMOC) leh PLR Chambers advocates & solicitors New Delhi tang kawpin an buatsaih Ni 2 awh tur Capacity Building for Entrepreneurs and Exports and Imports Compliances & Procedures chu Directorate of Economic & Statistics Conference Hall ah hawnna hun an hmang.

Capacity Building for Entrepreneurs and Exports and Imports Compliances & Procedures hawnnaah hian Dr C. Vanlalramsanga, Secretary Planning and Programme Implementation chuan thusawiin, “Mizoramah hian Entrepreneurship lamah kan harhchhuak in kan Entreprenuers ten hma an sawn nasa em em a, an kal zelna tur atan a hriattur pawimawh tak tak min zirtirtur a PLR Chamber ten training min buatsaih sak hi a lawmawm hle a ni” a ti. Mizo entreprenuers ten he Capacity building hi hlawk taka hmang turin leh entrepreneurship kawng a kan hriat duh leh hriatthiamloh te chu zawt hreh lo a, an tangkaipui ngei theihna turin duhsakna a hlan bawk.

Pu John Lalnunkima Khiangte, Director PLR Chamber chuan “Mizoram hi ramdangte nen ramri thui tak intawn kan nih avangin sumdawnnan a hmun laili tak a ni a, sawrkar hmalakna in ramdangte nena awlsam zawka inkalpawhna tha tak tak a ruahman mekte hi a hman theih hunah phei chuan Sumdawnna hmunpui ala ni thuai dawn a ni” a ti a  “Chung hunah chuan harsatna kan tawh lohna turin sumdawnna kawnga Dan leh Inkhuahkhirna hrang hrang kan hriat a pawimawh hle dawn a ni” a ti. Pu Johna hian PLR atanga mithiam lokalte inhmelhriattirna hunte hmangin Capacity building kalpui dan tur tlangpui a tarlang bawk.

Capacity Building for Entrepreneurs and Exports and Imports Compliances & Procedures ah hian PLR Chamber atangin mithiam Pangnga anlo kal a, chungte chu, Dr Arpita Mukherjee, Professor ICRIER, Mr Prasanna Kulkarni, Assistant Manager (Treasury, Investment and Foreign Exchange) Coporation bank, Mumbai Overseas Branch, Mr Harsh Gursahani, Senior Associate, Food Law and International Trade & Investment Law team, PLR Chambers, Ms Komal Kalha, Senior Counsel at the Office of South Asia, US Patent & Trademark Office, Embassy of the United States of America, New Delhim leh Pu John L Khiangte, Director PLR Chambers te an ni.

Capacity Building Ni khat niah hian International Trading System, India’s Foreign Trade Policy 2015-20 and Schemes for Entreprenuers, Starting an Import and Export Business-Procedures for Import and Export Compliances and International Payments & Finance te zir a ni ang a, a Ni hnihnaah International Trade in Agro and Processed Food – Compliances for Exports and Imports with Europe, US, Africa, Myanmar, Bangladesh and other neighbouring countries, Trade in Organic Produce and Organic Food leh Trade Promotion – Schemes for Export Promotions in India te zirho leh a ni ang. Mi 60 vel a he programme ah hian an inziak lut tawh a, Entreprenuers leh entreprenuership lama tui te tan Capacity Building Ni 2 chhung hian a tel theih reng bawk a ni.