Vawiin khan Kolasib DC Conference Hall ah District Election Officer Dr.Arun T, IAS kaihhruaina hnuaiah kolasib district level standing committee (DLSC) member te an thukhawm.

Thutkhawmah hian 2nd Special Summary Revision of Electoral roll,2018 lo awm tur chungchang sawiho a ni a Final Electoral siam nana hmalakna tul leh tih tur awm atanga hmalak tawhna te tarlan niin heng hmalakna tawhna te behchhanin Integrated Electoral Roll chu July ni 31 hian tichhuah tum a ni a, july ni 31 atanga August ni 21 inkar hian dilna chi hrang hrang heng hming dahluh, hming paih tir, vote neihna insawn leh a dangte chu Form chi hrang hrang hmangin a tih theih anga, September ni 20 hma in heng dilna chi hrang hrang lut zawng zawngte chu ennawn/endik (revision) vek tur niin , September ni 26 hma in a tul ngai te belh emaw paih emaw tih danglam (updating) fel vek tawh tur niin Final Electoral roll hi September ni 27, 2018 a tichhuah tur  ani.

Hemi bakah Polling Station (P/S) then ngai, hming thlak leh Building sak that tur chungchanga rawtna lut te chu sawihona neih ani a. Election Commission of India thupek angin Urban Polling Station pakhat ah hian voter 1400 aia tam lo leh Rural Polling Station pakhat ah voter 1200 aia tamlo tur ani a, hemi behchhan hian Bilkhawthlir (p/s no.19), Saiphai (p/s no.12) leh Tumpui (p/s no.21) te chu then turin DLSC chuan a pawm fel a, hemi bakah hian Thingthelh (p/s no.25), New Diakkawn 'E' and 'W', Bualpui (p/s no.18), Buhchangphai (p/s no.21) te chu Building Sak that/thawm that ngai te an ni a, Vengthar-III (p/s no. 9) chu Khuangpuilam tih a thlak tur leh Bilkhawthlir-I (p/s no. 16) chu Section then ngai a ni a, heng a chunga thlak ngai rawtna lut te chu DLSC hian pawm fel bawkin State Election Commission ah thehluh leh tur a ni.

Thutkhawmah hian Election Officer Pu Vanlalchhuanawma Chawngthu, Sub-Hqrs YMA, Sub-Hqrs MUP, Sub Hqrs MHIP, Political Party hrang hrang hotute leh Election kaihhhnawih Department hrang hrang hotute an tel a ni.