Vawiin March 21, 2013 hian Pi Esther Lalruatkimi, Secretary, Labour, Employment, & Industrial Training Office Chamber-ah Working Journalists te leh an mi chhawrte hamthatna tur kawng ngaihtuahtu mi pawimawh te an thu khawm a. Hei hi Sorkar Laipuiin India ram puma hman tura thupek a chhuah avangin, hmalakna hmasa a ni.

Hemi Wages Board member tura ruat te chu-

1. Secretary, Labour Employment, & Industrial Training- Chairman,

2. Director, Labour, Employment & Industrial Training, Member Secretary,

3. Director, Information & Public Relations Department, Co-opted Member.

Anni bakah hian Chanchinbu neitu aiawh mi pathum, Chanchinbua thawkte aiawh mi pathum ruat tur a ni. Hengho hi a khat tawka thukhawmin, Mizorama hman theih dan tur an ngaihtuah thin dawn a ni.

He thupek ang chuan Chanchinbu te hi Category hrang 8-ah thenin, chunga thawktute pawh chi hrang paruka then lehin an hlawh siam tur a ni a, Category an then dan tlangpui chu hetiang hi a ni:

I     : Kumtin Rs 1000 Croes leh a chunglam.

II    : Kumtin Rs 500 Croes chunglam Crores 1000 aia hniam,

III   : Kumtin Rs 100 Crores chunglam, Crore 500 aia hniam,

IV   : Kumtin Rs 50 Crores chunglam Crore 100 aia tlem,

V    : Kumtin Rs 10 Crores chunglam, Crores 50 aia tlem,

VI   : Kumtin Rs 5 Crores chunglam, Crore 10 aia tlem si,

VII  : Kumtin Rs 1 Crores chunglam, Crore 5 aia tlem si,

VIII : Kumtin Rs 1 Crore hnuai lam zawng zawng te.

Tun dinhmunah chuan Mizorama Chanchinbute hi Category VIII-ah an awm vek rihin a rinawm.