Vawiin May 24, 2012 hin Secretariat Conference Hall-ah Election chungchanga inrawnkhawmna pawimawh tak Pu K. Riachho IAS, Chief Electoral Officer, Mizoram hovin neih a ni a, Political Party hrang hrang- MNF, INC aiawh te, MPF aiawhte leh District tina Election Officer/an aiawh te an an kal. Mamit Bawrhsap Rodney L. Ralte IAS, DEO  a rawn tel bawk. Media lam hotu DIPR leh AIR, Doordarshan hotute an tel bawk a ni.

He hunah hian Pu K. Riachho chuan Inthlan chungchanga thil hriattur pawimawh tam tak, Official leh Party mite pawhin an hriat a, ram tana tangkai tur hetiangin a sawi:

1.         Rationalisation of Polling Station: Khawpuiah Voters 1200, thingtlanga 1000 aia tam loturinsiamtur, a tul chuan P.S. thar siamna tur pawh June 15, 2012 ral hmain rawtnasiamtur a ni.

2.         Special Summary Revision of Electoral Rolls, 1.1.2013-a kum 18 tling chinte tan kumin August atangin siam leh tur a ni a; sakhaw  thil a E.Roll-a tel duh lo awm te hi tel tura sawm leh nise, India mi nihna dik lantirna a ni a, tan lak leh nise.

3.         Booth Level Agent (BLA) Party tinin a siamtu tur ruatin, an Party Agent tur thehluh theuh nise.

4.         EPIC- Nikum khan voters  tinte EPIC pek vek an ni a, a lawmawm.

5.        India khua leh tui, ram pawna awm (NRI) ten an duh chuan Electors nihna  an dil theihna tur kawng hawn thar a ni.

6.        India khua leh tui dik tak, hunbi thliaha kum 18 tlingte chu Roll-ah  thun theih zel a ni a, dilnasiamzel tur a ni.

7.        India mi, awm nghet lo pawh an duh chuan Roll-ah thun theih a ni.

8.         Roll-a awm thi chu an hming paih nghal tur a ni a; insawn te erawh chu  anmahni hriattirin, an awmna thara Roll-a an tel hnuah an awm  hmasakna ata paih tur a ni.

9.        India mi dik, kum 18 tling chin chu Roll-a thun vek tur a ni

Party mite leh  a tel ten an hriat duh apiang zawtin, inhrilhfiah zel a ni a; inthlanna thil hi fimkhur tak leh dik taka tih zel tura inzirtir uar zel nise, tia infuihin an tin.