Mizoram Chief Secretary Pu Van Hela Pachuau chuan, “Fimkhur leh chak zawkin NLUP hmalakna kalpui tur” tiin vawiin chawhma dar 10:30 NLUP Meeting Chief Secretary Conference Hall-a neih ah a sawi.
Vawiin meeting ah hian NABCONS (NABARD Agency pakhat) NLUP leh Integrated Cluster Development siam tuten an thu thehluh te thlir ho niin, hemi atan hian Committee din nise, District pahnih ah hian Deputy Commissioner ve ve te Chairman na hnuaiah NLUP Lines Department - District Officer te chu member ni se, NLUP Implementing Board leh NABCONS aiawhte tel bawk se tih an rel.
District Level leh Village Level a NLUP Monitoring Committee leh Implementing Committee te hnathawhna tur sum pawh pek chhuah thuai ni se tih an rel bawk.
Nursery enkawlna leh thlaite a hun dik taka enkawl leh chin a nih theih nan sum pek chhuah hun te fimkhur nise tih rel a ni bawk a. Industry Department bikah Beneficiaries te mamawh khawl chah chu hmanhmawh thlak anih avangin, an mamawh dan kimchang ti chiang turin hriattir an ni bawk.
Meeting ah hian Pi L. Tochhong, Addition Chief Secretary, Pu P.L. Thanga, Vice Chairman, NIB, Finance Secretary, NLUP Lines Department Secretary, Head of Department Nodal officers NIB lam officer te bakah NABCONS lam aiawhte leh RD Department hotute an tel a ni.
