Vawiin chawhnu dar 1 khan NLUP Implementing Board (NIB) Chairman Office ah Pu JH Rothuama, Chairman, NIB hovin Mizoram Environment & Forest Consultative Forum (MEFCOF) leh NLUP Implementing Board (NIB) ten thawhho an rel.
He meeting pawimawh takah hian MEFCOF te leh NIB te hian Mizoram chhunga ramngaw, ramsa, tui leh nungchate humhalhna atan theih tawpa tanrual a thawhho an tum thu an sawi.
Pu V.L. Bela, President MEFCOF chuan an pawl hnathawh mekte sawina hun a nei a, ramngaw, ramsa, tui leh nungchate humhalh kawngah nasa takin hma an lo lak tawhte leh tunah hian khaw 46 ah an pawl MEFCOF (Zotheihuan tia hriat) chuan ram 1860 Sq. Km ah humhalh hna an thawk mek tih a sawi.
Pu JH Rothuama chuan MEFCOF te hmalakna chu NLUP thiltum anih angin thawkho thei tura an awm chu lawmawm a tih thu a sawi.
Pu P.L. Thanga, Vice Chaiman chuan NLUP hmalakna a tangkai taka thawk thei tur thawhpui tur an nei chu lawmawm tiin, PHE Department, Forest Department leh YMA te nen thawhho tlan a ni dawn a, kan hmalak zel dan tur pawh rel ho thuai a ni ang, a ti a ni.
