Local Council/Village Council inthlan lo awm tur 30 April, 2015 ah hian Secretary, State Election Commission chuan khapna thupek a chhuah a.
Inthlanna in a kaihhnawih duty tur hrang hrang te leh vote thlak tur te chuan Polling Booth leh Counting Hall huam chhungah meizuk phalloh a niin, mobile phone pawh hman khap mai bakah ri lo (silent mode) a dah pawh phal anih loh avangin Switch Off ngei ngei tur a ni.
Counting Agent te phalna lehkha nei te pawh Counting Hall ah Mobile Phone lakluh phalsak an ni lova, phalsak chinte chu Returning Officer (RO), Observer, Counting Official leh Security Personnel te chauh Mobile Phone ken phal sak an nih laiin anni pawhin Silent Mode in an dah tur a ni. Polling Station leh Counting Hall ah te tumah in mei an zu tur a ni lo.
