Vawiin chhun dar 1:00 ah tanin Pu John Rotluangliana, FCS & CA Minister kaihhruaina in a office chamber-ah Mega Block lo awm tur chungchangah meeting pawimawh tak neih a ni.

Minister chuan 1st October, 2014 atanga Rel kawng zauh tur avanga Mega Block lo awm turah kalkhawmte leh mitinte chu tangho a sorkar tawiawm tur leh tumah harsatna siam lo turin a ngen a ni. He Mega Block chhung hian thil a van avanga tumah thil man ti sang lo tur leh chheprelh lo turin mitinte a ngen. He Mega Block hian kan rin aiin a awh rei theih avangin tlawmngai pawl leh pawl hrang hrangte thawhho puiah a sawm a ni. Hetianga harsatna kan tawh denchhena thil diklo taka ti an awm a nih chuan sorkar chuan dan angin hma a la ang a, na takin a hrem dawn a ni.

Hetiang harsatna kan tawh lai hian tumahin politics thila la lo tur leh Mizoram leh mipui tan theih tawp chhuah theuh turin mitinte a ngen tak meuh meuh a ni.

Minister hi Pu TT Zothansanga, Parliamentary Secretary; Pu R. Lalvena IAS, Director, FCS & CA ten an tawiawm a. He meting ah hian committee member te an kal tha hle a ni.