Chhiatrupna lian tham lo thlen thulha felfai zawka chetlak dan enchhinna Mega Mock Drill neih tur atan vawiin nileng khan State/District Disaster Management Authority, Aizawl leh National Disaster Management Authority (NDMA), Ministry of Home Affairs, Government of India te tangkawpa huaihawtin mawhphurtu te hmalak dan tur inhrilhhriatna Table Top Exercise chu Horticulture Conference Hall ah neih a ni. Table Top Exercise neihna ah hian Pu Shivajee Singh, Senior Consultant, NDMA, Pu P.C.Lallawmsanga, IPS, Principal Secretary, DM&R, Dr Lalrokima Chenkual, Head Faculty, DM Cell, ATI, Dr Franklin Laltinkhuma, IAS, Deputy Commissioner, Aizawl, Dr Robert L.Khawlhring, Aizawl Civil Hospital leh NDRF mithiam ten chhiatna hmachhawn dan chungchang thil pawimawh tak tak leh Mega Mock Drill atana an inbuatsaih dan te an sawi a ni. Table Top Exercise neih hnu hian Pu Shivajee Singh chu DM&R Principal Secretary Pu P.C.Lallawmsanga leh D.C. Dr Franklin Laltinkhuma ten Hunthar leh Rangvamuala leimin leh lei tlahniam hmun te an tlawhpui zui a ni.

Table Top Exercise hmanna ah hian department hrang hrang kaihhnawih hotute leh mawhphurtu dang te an tel a ni.