Vawiin khan I&PR Conference Hall-ah March 13 a Aizawl a Mega Mock Drill atana ruat Observers te briefing pek an ni. He hun hi Pu P.C. Lallawmsanga, IPS, Principal Secretary, Disaster Management & Rehabilitation in a kaihruai a, in hrilhfiahna hi National Disaster Response Force leh National Disaster Management Authority a mithiamten an pe. Observers te hi Mamit District, Kolasib District, Champhai District leh Aizawl District atangin ruat an ni a. Observers te hnathawh dan tur inhrihfiahna hun hi District Disaster Management Authority leh State Disaster Management Authority tangkawp buatsaih a ni.

Phai lam atanga mithiamte lokalte hi Shivaji Singh, Sr. Specialist; Harsh K. Gupta, Member, NDMA; Col. JK Kaushik, Sr. Specialist; S.S. Guleria, DIG, NDRF; Ritesh Kumar Dwivedi, Asst. Comdt.; R.S. Saxena, Team Coordinator leh Tripti Parule, Media Consultant te an ni.