Kumin 2013 a Member of Legislative Assembly inthlanpui Dt 25th November 2013 a neih chu harsatna awm lovin tluang takin neih a ni a, mipui te’n boruak muanawm takah vote an thlak a ni.

Pu V. Lalremthanga IAS, District Election Officer, Mamit chuan District huam chhunga inthlan buaipui tuten sum leh paia harsatna eng eng emaw kan tawk chung pawha thahnem ngai taka inthlan hlawhtlinna tura an beihna ah lawmthu a sawi a. Inthlanna muanawm leh felfai kan neih theih na tura thawktu zawng zawngte leh District chhunga mipuite chungah pawh lawmthu District Election Officer chuan a sawi bawk a ni.

District Election Officer, chuan Election Commission of India duh dan anga Vote thlak pawimawhzia hria-a Mizoram chhunga District-ah Vote thlak tha ber Percentage kan ni hi a lawmawm tak zet a ni a ti bawk.

Mamit District Constituency pathum 1- Hachhek(ST) A/C ah 16119 awmin Votes 13940 a tla a, 86.48% a ni a, 2- Dampa (ST) A/C ah Votes 15315 awmin 13430 a tla a, 87.69% niin 3- Mamit (ST) A/C ah Voters 16800 awmin 14794 a tla a, chu chu 88.06% a ni.

Mamit District Constituency pathumah hian Voters 48234 awmin Votes 42164 a tla a, a pumpui percentage hi 87.42 a ni. Heta hian Tripura Transit Camp-a Bru Voters te a huam lo a ni.