Nimin Dt 25.11.2013 zing dar 7 : 00 atanga tlai dar 4 : 00 inkar khan Mizoram Legislative Assembly Member tur thlanna tluang leh muanawm takin Saiha District ah neih zawh a ni.

Saiha Distrit chhungah hian Assembly Constituency pahnih 39-Saiha(ST)A/C leh 40-Palak (ST) A/C te an awm a. 39-Saiha A/Constituency-ah hian Candidate pathum Pu S.Hiato, I.N.C. Candidate, Pu Dr. K.Beichhua M.D.A. (MNF) Candidate leh Pu F.Lalhmachhuana, Z.N.P.Candidate te chu an inkhing a ni. Saiha District chhung 40-Palak A/Constituency ah chuan Pu Hiphei, I.N.C. Candidate leh Pu P.P. Thawla M.D.A (MDF) Candidate te chu an inkhing bawk a ni. 39-Saiha(ST) A/Constituency ah hian Vote nei mipa 8844 awmin hmeichhia 9421 avaiin voters 18265 an awm a, he inthlanna ah hian mipa 9835 leh hmeichhia 7600 ten vote an thlak a, vote tla zawng zawng chu 14435 niin 79.03 % a tla a ni. 40-Palak(ST) A/Constituency ah hian vote nei mipa 7561 leh hmeichhia 7788 an vaiin voters 15439 an awm a, he inthlanna ah hian mipa 6326 leh hmeichhia 6368 avaiin mi 12694 ten vote an thlak a, voters 82.22 % in an vote an thlak a ni. Tichuan Saiha District pumpui vote tla chu 80.49% a ni.

 39-Saiha(ST) A/C hnuaia vote tlak thatna ber polling station chu Riasika khua niin, voters 84 awm te zing atangin voters 80 ten vote an thlak a,95.24% voters ten vote an thlak a ni. 40-Palak(ST) A/C hnuaia vote tlak tamna ber polling station chu Supha khua niin, voters 48 awm a, voters 45 ten vote an thlak a, 93.75% a ni. Vote tlak chhiatna polling station te chu 39-Saiha A/C hnuaiah Council veng  niin 66.88% a ni a. 40-Palak A/C hnuaiah chuan Siata khua niin 68.50% vote a tla a ni.

Inthlanna muanawm leh felfai tak neih anih zawh hnu hian District chhung khaw hrang hrang atanga Electronic Voting Machine (EVM) te chuan Saiha a thlengkim tawh a, heng E.V.M. te hi venhimna uluk tak hnuaiah D.C.Office Strong Room ah kalhhnan an ni.