Vawiin chawhma dar 10 : 00 A.M khan DC’s Conference Hall, Saiha-ah Member of Parliament (Lok-Sabha) 2014 inthlanna neih tur a, duty atan a ruat Presiding Officer-te Training neih tir an ni.

He Training ah hian District Bawrhsap Pu Alok Swarup, IAS District Election Officer ni bawk chuan thu sawiin inthlanna muanawm leh fel fai tak neih a nih theih nan theih tawp chhuah turin duty a kal tur te chu a chah a, Democracy ram kan nih avangin inthlanna kan hmachhawn thin a, mipui ten kan duhzawng thianghlim taka kan thlan hi kan tih tur anih avangin Election buaipui tute pawh in inthlanna thianghlim leh fel fai kan neih theih nan theih tawp chhuaha tan kan lak a ngai a ni, ati bawk. He Training ah hian Pu John LT Sanga, Additional D.C. chuan “Duties & Responsibilities of Polling Officials” tih thupui hmang in Training a pe a, Pu HD Lalpekmawia, Election Officer chuan “Enforcement of Law& Order Relating to Election Process” tih thupui hmanga training a pek bakah Pu H.Ramhluna leh Pu FC Lalrinawma ten “ Monitoring of EVM &VVPAT & relating of forms/papers” leh “Electoral Roll & SMS Syntex” tih thupui te hmangin Training hi an pe bawk. He Training ah hian Presiding Officer atana ruat mi 75 an tel a ni.