MP (Lok Sabha) Election 2014 atana vote thlak zawha Polling Party hrang hrangte Lunglei an lo kir huna anmahni lo dangsawngtu tur Reception Counter Duty-te chu vawiin khan DRDA Conference Hall-ah kokhawmin ‘Receiving of Polled Materials’ chungchang training pek an ni.

Vawiina training hi Lunglei DC/DEO Pu Ashish Madhorao More, IAS-in a ho a. DEO chuan fuihna thu sawiin hmun hrang hrang atangin Polling Party-te hah takin an rawn thleng ang a, vin deuh an awm pawhin tha taka lo dawngsawnga lo buaipui turin a chah a ni. Reception Counter duty turte chu mahni hna theuhah rinawm leh taima taka thawk tura chahin Polling Party-te bungrua fel leh fel lo uluk taka endik theuh turin DEO chuan a hrilh a ni.

Receiving of Polled Materials chungchang training hi Addl. DC Pu Lalhmachhuana, DRDA Project Director Pu Joseph Lalramsanga leh SDO(S) Pu K.Vanlalthiana ten an pe a ni.