Vawiin khan Mizoram Youth Commission leh ETEN IAS, New Delhi te chuan Alternative Learning System, New Delhi te nen VSAT hmanga Mizorama Civil Service Coaching Class dinna tur atan inremna thuthlung (MoU) Lal Thanhawla Park Hmuifangah an sign. Aizawla Centre hi India rama a 56 na tur a niin NE a a 6 na tur a ni. ALS hi India rama Civil Services Coaching Centre tha zual 2 an thlan zinga mi a ni.

MoU sign na inkhawm hi Pu T. Sangkunga, MLA, Chairman, Mizoram Youth Commission in kaihruaiin Mizoram sorkar-in Aizawla Coaching Centre din anih theihna tura a hmalak tawh dante sawiin ETEN IAS nena inremna thuthlung sign a ni thei ta chu lawmawm a tih thu a sawi bawk a ni. He hunah hian Pu Manav Aggarwal, Dy. General Manager, ETEN IAS pawhin January, 2016 a class tan hman a nih tur thu a tarlang a, MYC Chairman leh thawktute hnenah lawmthu a sawi bawk.

Inremna thuthlung hi MYC aiawhin Pu T. Sangkunga, Chairman, MYC in a sign a ETEN IAS aiawhin Pu Manav Aggarwal, DGM in a sign ve bawk a ni.