Mizoram Engineering Service Association MESA) Sub-Headquarters, Lunglei chuan nimin tlai dar 4:00 khan SE PWD Quarter-ah kum Conference neiin kum 2014-2015 chhunga an hruaitu thar thlanna an nei nghal a ni.

MESA Sub-Hqrs. Conference 2014 hi President Er.WC Lalchhuanliana, EE, P&ED-in a kaihruai a, Senior Advisers - Er. R.Lalrema, SE, P&ED, Er. Vanlalchhuana, SE, PWD leh Er. H.Duhkima, SE, PHED ten fuihna thu an sawi a. Conference-ah hian kum kaltaa an pawl hmalakna hrang hrangte bakah hmachhawp engemawzat an sawiho a ni.

Kum 2014-2015 chhunga an pawl hruaitu thar thlanna chu Returning Officer Pi Mina Zoliani, DIPRO Lunglei kaihhruaina hnuaiah neih a ni a, a hnuaia mite hi thlan tlin an ni :

1. President : Er.WC Lalchhuanliana, Sr.EE, Power Maintenance Division-I, Lunglei

2. Vice-President : Er. B.Lalhmuakluaia, Principal, Mizoram Polytechnic, Lunglei

3. Secretary : Er. Lalchhuana, Sr.EE, PWD

4. Asst. Secretary : Er. Allan Lalthalura, SDO, PHED

5. Treasurer : Er. David Laltanpuia, SDO, PWD

6. Fin. Secretary : Er. RL Zidinga, District Urban Development Officer

MESA Sub-Hqrs Lunglei hi kum 1996 atanga din tan a ni a, khaihlak chang nei thin mahse member-te thahnemngaihna avangin November ni 18, 2011 atang khan Engineer 22 tangkhawmin chatlak miah lovin tun thleng hian a kal chho ve ta a ni. He Sub-hqrs. hian Lunglei District, Lawngtlai District leh Saiha District te a huam a. Tun dinhmunah hian he pawl hnuaiah PWD, P&ED, PHED, Mizoram Polytechnic, Minor Irrigation, Urban Development, DRDA leh School Education atangtein member 59 an awm mek a ni.