1771/2025-2026

Dated Kolasib the 7th October, 2025 : Vawiin chawhnu dar 1:00 khan Kolasib DC Conference Hall-ah Mizoram Football Association (MFA) Inter-District Senior Women Championship 2025 Kolasib a neih tur chungchangah Organising Committee-te'n thutkhawmna an nei a. He hun hi Organising Chairman leh Kolasib DC ni bawk Pu Robert C. Lalhmangaiha chuan a kaihruai a ni.

He thuthutkhawmah hian Kolasib DC Pu Robert C. Lalhmangaiha chuan thusawina neiin Senior Women Championship 2025 Kolasibin a thleng tur chu lawmawm a tih thu leh Infiammite tan hun hlawkthlak tak a nih ngei a beisei thu a sawi a. DC hian Meeting Agenda sawi hawnna nei nghalin; thurel neih chhunzawm a ni.

He hunah hian October ni 28, 2025 atanga tan tur MFA Inter-District Senior Women Championship 2025 chungchanga thurel ngaite relna neih a ni a. October ni 27, 2025 zanah Diakkawn YMA Hall-ah Kick Off Programme hman dan turte rel niin Mikhual thlen dan turte sawihona neih nghal a ni a, Mizo inthlen dan a mikhual thlen nise tih niin Kolasib khaw chhung Branch YMA-te hnenah a tul angte buaipui turin ngenna siam nise tih a ni. He thuthutkhawmah hian Budget Estimate pharhna hun hman a ni a. Fund Raising chungchang rel nghal niin Fund Raising Committee din nghal a ni bawk.

Vawiina MFA Inter-District Senior Women Championship 2025 chungchanga thuthutkhawmnaah hian Sawrkar Department hotu, khawtlang hruaitute leh Kolasib District Football Association (KDFA) hruaitute an tel a ni.