Vawiin chawhnau dar 1:30 khan C.M. Conference Hall-ah Mizoram Fire Prevention Sub-Committee (MFPSC) chu an Chairman leh Parliamentary Secretary to Chief Minister nibawk Pu Lalthanzara hovin an thukhawm.
Pu Lalthanzara chuan Mizoram Football Association (MFA) in Charity Football Match, Mizoram a kangmei tuarte tanpui nan an buatsaih atanga an sum hmuh Rs. 2,00,901/- MFPSC Chairman hnena an hlan chu sawiin, MFA te duh danin kangmei tuara thi te ral nan hman nise tih a rawtna chu pawmin a hnai ami ang hian ralna sum pek nise tih a ni :
1) Tv. Zonunzira, Kum 27 s/o Pu Lalnuntluanga, Serkhan leh Pu Laltlanmawia, kum 28 s/o. Pu Muankima, Serkhan ten tlawmngaia ram kang an thelhna ah an nunna hlu tak an chan chu Fire Prevention Committee Sub-Committee chuan ralna Rs. 70,000/- Tv. Zonunzira chhungte hnenah; Rs. 50,000/- Pu Laltlanmawia chhungte hnenah leh a fanu Vanlalhruaii, Sihphir hnenah Rs. 20,000/- pek nise tih an rel.
2) Sesawng khua a ram kangin vanduai thlak taka an nunna a laksak Pi Hawineihtlingi, kum 40 leh a fanu Chhunglawmkimi, kum 10 chhungte hnenah ralna Rs. 40,000/- pek nise an ti.
3) Pu L.Doliana, a huan halna in pawi dang a khawih a hlauh vanga a thelhna a kang palh a, Serkawn Christian Hospital a thi ta chu Rs. 20,901/- in ral ni bawk se tih MFPSC chuan an rel a ni.
Vawiin MFPSC thukhawm hian kumin thal rei lutuk, ni 141 meuh mai ruahsur lo leh ruahsur chhun pawh a tlem em avanga kangmei chhuak nasa avanga nunna chan, in lo lo chante avangin pawi an tih thu an sawi a. Committee chuan tun sawrkar tharah kangmei venna atan nasa takin hma a lakna, Forest Department, LAD leh Fire Services lam pawhin kum dang zawng aia hma a lakna awm chung pawh a, kum danglam, khawro lutuk avanga kangmei chhuak tam a ni tih an sawi a, nasa lehzuala mipui zirtirna uar leh zual a pek nise tih an rel.
MFPSC chuan khaw thenkhat zirtirna ngaithla tha lova inthlahdah te chu hrem hial an ngai niin tarlan a ni a, V/C theuhte chu anmahni bial ah mawhphurtu an nih hriat thar tir leh nise an ti.
Print Media leh Electronic Media ten kangmei venna kawngah leh sawrkar hmalakna ah theihtawpin an tawiawm niin an hriat thu Committee chuan an sawi a, helama uar zawk a hma la turin an beisei thu an sawi bawk.
Committee-ah hian an Chairman hovin Department hrang hrang aiawhte, tlawmngai pawl hrang hrangte leh hetiang lama mi inhmangte an tel a ni.
1) Tv. Zonunzira, Kum 27 s/o Pu Lalnuntluanga, Serkhan leh Pu Laltlanmawia, kum 28 s/o. Pu Muankima, Serkhan ten tlawmngaia ram kang an thelhna ah an nunna hlu tak an chan chu Fire Prevention Committee Sub-Committee chuan ralna Rs. 70,000/- Tv. Zonunzira chhungte hnenah; Rs. 50,000/- Pu Laltlanmawia chhungte hnenah leh a fanu Vanlalhruaii, Sihphir hnenah Rs. 20,000/- pek nise tih an rel.
2) Sesawng khua a ram kangin vanduai thlak taka an nunna a laksak Pi Hawineihtlingi, kum 40 leh a fanu Chhunglawmkimi, kum 10 chhungte hnenah ralna Rs. 40,000/- pek nise an ti.
3) Pu L.Doliana, a huan halna in pawi dang a khawih a hlauh vanga a thelhna a kang palh a, Serkawn Christian Hospital a thi ta chu Rs. 20,901/- in ral ni bawk se tih MFPSC chuan an rel a ni.
Vawiin MFPSC thukhawm hian kumin thal rei lutuk, ni 141 meuh mai ruahsur lo leh ruahsur chhun pawh a tlem em avanga kangmei chhuak nasa avanga nunna chan, in lo lo chante avangin pawi an tih thu an sawi a. Committee chuan tun sawrkar tharah kangmei venna atan nasa takin hma a lakna, Forest Department, LAD leh Fire Services lam pawhin kum dang zawng aia hma a lakna awm chung pawh a, kum danglam, khawro lutuk avanga kangmei chhuak tam a ni tih an sawi a, nasa lehzuala mipui zirtirna uar leh zual a pek nise tih an rel.
MFPSC chuan khaw thenkhat zirtirna ngaithla tha lova inthlahdah te chu hrem hial an ngai niin tarlan a ni a, V/C theuhte chu anmahni bial ah mawhphurtu an nih hriat thar tir leh nise an ti.
Print Media leh Electronic Media ten kangmei venna kawngah leh sawrkar hmalakna ah theihtawpin an tawiawm niin an hriat thu Committee chuan an sawi a, helama uar zawk a hma la turin an beisei thu an sawi bawk.
Committee-ah hian an Chairman hovin Department hrang hrang aiawhte, tlawmngai pawl hrang hrangte leh hetiang lama mi inhmangte an tel a ni.
