Vawiin khan Tourist Lodge, Chaltlang-ah P & E Department bul tum Seminar on Emerging Trends of Power System Operation neih a ni a, Chief Minister Parliamentary Secretary Pu Lal Thanzara’n a hmanpui.

Seminar hi Engineer-in-Chief Pu C.L. Thanglianan a kaihruai a, khuallian chuan kawlphetha indaih lohna hian mihringin a dehchhuah tur ang pawh a dehchhuah tir thei lo thin a ni a ti a. Power deptt. a thawkte hian chona lian tak an hmachhawn reng a chuvangin power siamchhuah, sem darh leh a enkawl chungchangah hriatna zau tak an neih a ngai a ni a ti. Parliamentary Secretary chuan Mizorama Power indaih lohna awm thin avangin deptt. chuan mipui hnenah hriatthiamna a ngen fo thin a, sikul naupang exam inbuatsaih vanglaia power in enchhawk fo ngai thin chu thil pawi tak a tling a, chuvangin hetiang phuhru zawnga seminar buatsaih a ni chu a lawmthu a sawi.

Seminar-ah hian P & E officer ten thupui hrang hrang neiin paper te an present a sawihona tha tak an hmang.