Social Welfare Minister Pu P.C.Lalthanliana chuan vawiin khan chanchinbu mite hruaiin Tanhril-a Tribal Art Centre buatsaih mek chu a hmunah a tlawh a; he centre sak zawh nana hmabak la awm te a enfiah.
Tribal Art Centre hi thalaite infiamna hmun atan leh a bikin Mizo infiamna tih hmasawnna tura Social department hmalakna niin he Centre dinna tur hian Pu Saizahawla’n a ram a pe a. PWD ten a sak hna hi thawkin kum 2006 March thla atangin hna tan a ni a. Tunah hian public gallery leh a main building sak hna chu zawh fel thawkhat a niin VIP Gallery leh Indoor stadium sak tel tura ruahman erawh chu la khawih loh a ni thung a. A sakna tur sum vaibelchhe 11 ruahman ah Ministry of Tribal Affairs atangin vaibelchhe 6 chauh hmuh a nih tak avangin he Centre hi a tira ruahman anga kalpui zel a harsat tur thu PWD hotute chuan an sawi a. Tun thlenga sum hman ral tawh zat hi nuai 391 a ni.
Minister chuan he Centre buatsaih tura ram hruaitu hmasa te leh department hotute hma lakna chu a fak a. Chumi rualin sum ruahman ang zat hmuh a nih loh dan leh chumi avanga ruahmanna tih danglam tul te chu tlang taka mipui hnena puanzar a pawimawh tih a sawi a. Sorkar harsatna te chu a tir te atangin mipuiin an hriatpui chuan an hriatthiam pui thei hle thin a ti a. Tribal Art Centre chu peih fel thuai turin Social Welfare department chuan a tul anga hma a lak tur thu sawiin he Centre hian thalaite tan infiamna lama an tuihalna a phuhruk a beisei thu a sawi a. A enkawl zui zelna tur ah pawh mipuiin an chhawr tangkai theih ang ber turin department chuan a mawh phurtu tur pawh a tifel dawn a ni. tiin a sawi.
Minister chuan he Centre buatsaih tura ram hruaitu hmasa te leh department hotute hma lakna chu a fak a. Chumi rualin sum ruahman ang zat hmuh a nih loh dan leh chumi avanga ruahmanna tih danglam tul te chu tlang taka mipui hnena puanzar a pawimawh tih a sawi a. Sorkar harsatna te chu a tir te atangin mipuiin an hriatpui chuan an hriatthiam pui thei hle thin a ti a. Tribal Art Centre chu peih fel thuai turin Social Welfare department chuan a tul anga hma a lak tur thu sawiin he Centre hian thalaite tan infiamna lama an tuihalna a phuhruk a beisei thu a sawi a. A enkawl zui zelna tur ah pawh mipuiin an chhawr tangkai theih ang ber turin department chuan a mawh phurtu tur pawh a tifel dawn a ni. tiin a sawi.
