Vawiin Chawhma dar 10:00 khan Saiha-a cham mek Pu T.Gupta, I.A.S.(Rtd) Chairman, Standing Inquiry Commission for the three Autonomous District Councils in Mizoram hovin Deputy Commissioner’s Office, Saiha-ah Department hrang hrang hotute nen meeting neih a ni.

He meeting ah hian department hrang hrang hotuten sawrkar atanga hnathawhna tur pawisa an hmuh an hman dan chi hrang hrang te sawihona leh endikna an nei a, department hrang hrang hotute an tel kim hle a ni. Pu T.Gupta, I.A.S. (Rtd) Chairman hi Pu N.Zahry, Joint Secretary, D.C.A. & Member, Standing Inquiry Commission bakah Standing Inquiry Commission Member dang Pu Saihlira ten an tawiawm a ni, Nimin khan heng Inquiry Commission member te hian Saiha District a thingtlang khaw hrang hrang heng, Tuipang V, Theiva, Theiri, Maubawk leh Zero Point te tlawhin heng khua a sawrkar department hnathawh leh hmalakna chi hrang hrang te an enfiah a, nizan dar 7:00 thleng khan Mara Autonomous District Council hruaitute nen meeting nei leh in District Council hnathawh leh an sum hman dan hrang hrangte enfiahna an nei nghal bawk a ni.