Vawiin chawhnu dar 1:00 khan DRDA-a Project Director chamber ah MGNREGA hnuaia Bharat Nirman Ravij Gandhi Sewa Kendra building sa tha VC te hnenah lawman sem a ni. He hunah hian Pu Zothanmawia, Project Director chuan thu sawiin, BDO chairman-na hnuaiah committee dinin JE te nen heng building sak zawh tak hi tehna chi hrang hrangah endikin Block tinah a tha palite thlan chhuah an ni a. Heta tang hian DRDA lamin endik hna kalpui lehin tehfung chi hrang hrang hmangin lawmman dawng turte hi an thlang chhuak ta a ni, a ti a, BNRGSK building sak zawng zawngte hi atlangpui thu in a tha vek a, lawmman dawng tur thlan chhuah pawh hi a har hle a ni, a ti.

Project Director chuan a sawi zelnaah he building hi VC te leh VLA ten tangkai taka an hman tur a nih bakah NLUP atan pawh tangkai taka hman theih tur a nih thu a tarlang a, He BNRGSK building sakna tur atan hian Sanction hran a awm loh avangin MGNREGA Material Compnent atanga sak a ni a, chuvang chuan he building sakna tur atan hian pawisa duh angin a tam tawk lova, tha taka sak a nih theih nan technical mi ten uluk takin a hmunah endik sak vek an ni, tih sawiin, a hmun thu hlaah khaw tinah a laili in a nuam a, motor luh theihna an ni vek a. Contract rilru pu lova a neitu rilru pu a VC ten an sak a ni a, sum indiah loh complain a awm hauh lo leh vai mistiri hmang lova Mizo mistiri sak vek an ni chu lawmawm a tih thu a sawi bawk.

Champhai District ah BNRGSK building hi 40 sak zawh tawh niin tunah hian 62 sak tura ruahmanna kalpui a ni a, lawmman hi heng VC te hnenah hian pek an ni : 1-na – Chiahpui, Ngopa RD Block, 2-na – Biate, Khawzawl RD Block, 3-na – Farkawn, Khawbung RD Block, 4-na Kanan, Champhai RD Block. Lawmman hian certificate leh pawisa a kengtel a ni.