Mizoram Government Nursing Service Association (MGNSA)chuan vawiin khan an pawl khawmpui lian vawi 16-na chu Aizawl Civil Hospital Auditorium ah an hmang a. Health & Family Welfare Minister Pu Lalrinliana Sailo chu Khuallian niin Pu R.Lalrinawma MLA, Legal Adviser MGNSA chu Khualzahawm a ni.
MGNSA khawmpui hi kum khat danah neih thin a niin tun tumah hian “Impact of Social Change on Nursing” tih chu khawmpui thupui atan hman a ni a. Thuchah sawiin Health Minister Pu Lalrinliana chuan Mizo Nursing service chuan khawvel hmun hrang hrangah hriat a hlawh tawh a ni, a ti a. India ram hospital hrang hranga Mizo nurse ten fak an hlawh thu leh Singpore pawhin Mizo nurse an duh thu tarlangin Pu Rinliana chuan nurse te chu ram pawna thawk thei tura tawng lamah tan la turin a fuih a ni. MGNSA ten an service-a harsatna hrang hrang an lo thlente chu Pu Rinliana hian a ngai pawimawh tih sawiin a then chu sorkar-in a ngaihtuah mek lai a ni tih a tarlang a. Health service hrim hrim chu Chief Minister-in a ngaih pawimawh avangin nurse te dinhmun pawh enfel chhoh zel a ni dawn a; chumi kawngah chuan transfer leh posting chungchangah te pawh nurse ten thu an awih a pawimawh a ni, a ti a. Aizawl Civil Hospital chu India rama civil hospital tha ber a ni ang, tiin Pu Rinliana chuan Health care ah Mizoram chu India rama state entawn tlak ber ni turin mipui te hnena natna laka inven dan zirtir kawngah te, thingtlang hriselna leh thianghlimna atana tan la turin nurse te chu a chah a ni.
Khualzahawm Pu R.Lalrinawma pawhin thu sawiin nurse te file pawimawh ber chu mihringte an ni, a ti a. Thahnem ngai taka an thawh karah nurse ten tihsual palh an neihin an hming a chhe hma hle thin chu an laka mipui pangchan vang a ni tih hrethiam a, an thinlung tihnual lo turin a fuih a. Inthlahdah leh fimkhur loh vanga tihsual ni lo chu Dan pawhin thui tak a ngaidam thei a ni, a ti bawk.
MGNSA khawmpui hun hmasa hi an pawl President Pi R.Lalsangpuii’n a kaihruai a. Pi Kapzawni, Lecturer, Mizoram College of Nursing chuan khawmpui thupui hmangin tunlai khawvel inher danglamin nurse hna leh mawhphurhna a her danglam ve dan te, thiamna sang zel mila nurse te an intuai thar ve zel leh damlo enkawlna khawl changkangte hmang thiam zel tura an inzir a pawimawh thu te, nurse hna chu hna itawm leh mithiam zawkte luh chakna ni tura an chhawp chhuah thiam a tul thu te, specialized course leh zirna sang zawk zir tura inbuatsaih a tul thu te, damlo te dikna leh chanvo bakah Dan hriatna lama nurse te an inzir peih a tul thu te a sawifiah a. Pi Lalbiaksangi, Jt.Director(N) pawhin nurse te fuihna thu sawiin chawhma hunah hian General Secretary leh Finance Secretary te report ngaihthlak a ni.
MGNSA khawmpuiah hian kum 2008-2010 inkara an member thite sunna hun hman a ni a. Florence Nightingale National Award dawng mi 2, Pi K.Thansiami leh Pi Kapzawni te chu MGNSA hminga lawmpuina hlan an niin pensiona chhuak mi 18 te hnenah thlahna thilpek hlan a ni bawk. MGNSA khawmpui hi vawiin chawhnu leh naktuk hian chhunzawm a, hruaitu thar thlanna neih a ni ang.
Khualzahawm Pu R.Lalrinawma pawhin thu sawiin nurse te file pawimawh ber chu mihringte an ni, a ti a. Thahnem ngai taka an thawh karah nurse ten tihsual palh an neihin an hming a chhe hma hle thin chu an laka mipui pangchan vang a ni tih hrethiam a, an thinlung tihnual lo turin a fuih a. Inthlahdah leh fimkhur loh vanga tihsual ni lo chu Dan pawhin thui tak a ngaidam thei a ni, a ti bawk.
MGNSA khawmpui hun hmasa hi an pawl President Pi R.Lalsangpuii’n a kaihruai a. Pi Kapzawni, Lecturer, Mizoram College of Nursing chuan khawmpui thupui hmangin tunlai khawvel inher danglamin nurse hna leh mawhphurhna a her danglam ve dan te, thiamna sang zel mila nurse te an intuai thar ve zel leh damlo enkawlna khawl changkangte hmang thiam zel tura an inzir a pawimawh thu te, nurse hna chu hna itawm leh mithiam zawkte luh chakna ni tura an chhawp chhuah thiam a tul thu te, specialized course leh zirna sang zawk zir tura inbuatsaih a tul thu te, damlo te dikna leh chanvo bakah Dan hriatna lama nurse te an inzir peih a tul thu te a sawifiah a. Pi Lalbiaksangi, Jt.Director(N) pawhin nurse te fuihna thu sawiin chawhma hunah hian General Secretary leh Finance Secretary te report ngaihthlak a ni.
MGNSA khawmpuiah hian kum 2008-2010 inkara an member thite sunna hun hman a ni a. Florence Nightingale National Award dawng mi 2, Pi K.Thansiami leh Pi Kapzawni te chu MGNSA hminga lawmpuina hlan an niin pensiona chhuak mi 18 te hnenah thlahna thilpek hlan a ni bawk. MGNSA khawmpui hi vawiin chawhnu leh naktuk hian chhunzawm a, hruaitu thar thlanna neih a ni ang.
