Mizoram Government Pharmacists’ Association (MGPA) chuan nimin leh vawiin khan I & PR Auditorium-ah an pawl inkhawmpui vawi 7-na an hmang a,  nimin lam programme chu Director of Health Services, Dr. K. Ropari in a hmanpui a ni.

Nimin khawmpui programme kha an pawl President Pu Lalvuana’n kaihruaiin, Pu Vanlalruata’n hunserh a hmang a.An member pui boral mi pahnih - Pu P.C. Chawithuama, Drug Inspector, CMO Aizawl(W) leh Pu K. Pazawna, Pharmacist, Ngopa CHC te sunna hun an hmang bawk a. Chawhnu lamah rorel inkhawm an nei a ni.

Vawiin khan a hmun ngaia Training programme an nei leh a. Training programme-ah hian Healthcare System chungchanga Dr. Biakthansangi leh Dengue Fever Awareness Campaign chungchanga Dr. Zarzoliana Joint Dirtector (M), Health Services ten paper an buatsaihte chu zirho a ni.