Vawiin MHIP Day 2016 chu mamit- ah pawh hman a ni. Bazar Veng MHIP te chuan he hun hi Bazar Chung Hall ah uar takin an hmang a. Member boral sunna leh kum upa zawkte chawimawina an nei nghal bawk a ni.

He hunah hian Dr Lalremsanga, Gynea Specialist District Hospital Mamit chuan chhul cancer lanchhuah dan leh inven dan chungchang thu sawina a nei a, hmeichhia leh naupangte dikna leh chanvo leh dan leh hrai chungchang District Legal Service atang leh Dr Lalrinhlua District Child Protection Officer atang ten ngaihthlak a ni bawk.

Bazar Veng MHIP day hmanna hun hi Pi Laltharzeli President MHIP chuan a kaihruai a, intihhlimna chi hrang hrang neih a ni bawk.

MHIP Day 2016 hi mamit khawpui chhunga branch parukte chuan an mahni remchan dan ang angin an huam chhung theuhvah an hmang hlawm a ni.