No.2840/2020-2020

Bazar veng MHIP te chuan vawiin khan Mamit District Hospital Blood Bank-ah a mamawh a piangte hman turin thisen unit 3 an pe.

Pi Laltharzeli, President, Bazar veng MHIP chuan thisen pek chu thalaite chauh tihtur niloin, mi hrisel pangaite tan chuan hlauhawm a nih loh thu a sawia, Bazar veng MHIP te pawhin an remchan dan anga pek chhunzawm zel an tum thu a sawi.

Bazar veng MHIP-te hian ni 6, July MHIP Day pual hian Quarantine Centre hrang hranga awmte ei leh in atan, CMO, Mamit hnenah Rs 5000/- an hlana, Power & Electricity Department, Mamit-te chhun zana Mamit mipuite'n power kan neih theihnana thawktute hnenah lawmthu sawinan leh an ei leh in atan Rs 2000/- an hlan bawk. Hei bakah hian vengchhunga an member damlote tanpuina neih a ni bawk.