2825/2026-2027

Aizawl the 26th October, 2026: Vawiin chawhma dar 11:30 AM khan Central Training . Institute, Sesawng ah Disaster Management and Rehabilitation Department leh Mizoram Home Guards and Civil Defense tang kawp te chuan kar thum chhung awh, chhiatrupna a lo thlen thulh a chhanchhuahna hna thawh dan tur zirna hun State Disaster Response Force te tan a buatsaih chu hawnna hun neih a ni a.

He hun hi Pu Francis Lallawmkima, Joint Director (Operations), DM&R in a kaihruai a, Pu Lalnundika, Director, Disaster Management & | Rehabilitation chu khuallian niin he hun hi a hman pui a ni, Pu Lalnudika hian Training a tel te chu chhiatrupna a lo thlen thulh ah an thiamna te hmang tangkai a, tanpui ngai te tanpuitu ni thei turin theihtawp chhuah a training-a tel turin a chah a ni. He hun hi Pu Lalrengpuia, Command, CTI leh Officials dang ten an hmanpui a ni.

State Disaster Response Force training ah hian Mizoram Home Guards and Civil Defense, CTI atangin mi thlan bik 67 te training turin an tel a. Disaster Management & Rehabilitation Department te, Quick Response Team, Aizawl District Disaster Management Authority te leh National Disaster Response Force lama mithiam ten chhiatrupna a thlen thulh a hliam tuar chhanchhuah dan leh bawihsawm dan te an zirtir dawn a ni.