356/2023-2024

Aizawl, the 8th May 2023 : May ni 5, 2023 khan Mizoram Health Systems Strengthening Project hnuaia Pilot Community Intervention hawnna chu Mizoram Rural Bank, Auditorium, MINECO ah neih a ni.

Mizoram Health Systems Strengthening Project (MHSSP) hi Health and Family Welfare Department hnuaiah awmin World Bank atanga sum hmuh hmanga hnathawh niin - a tum ber chu “Mizorama hriselna hmasawnna leh quality tihchangtlun” a ni. Community Intervention hi he project-a thil pawimawh tak pakhat a ni a, hei hian khawtlanga pawl awmsa te nena tha taka thawhho a tum a. He thil tum tihhlawhtlin nan hian MHSSP chuan pawl pawimawh tak tak MzSRLM, MHIP leh VHSNC te nena thawhhona pui dawn ani.

He project hian hriselna chungchanga hriatthiamna tihpunna turin communication campaign kimchang tak leh demand-side intervention hrang hrang a siam dawn a, heng zingah hian natna kaichhawn theihloh langsar zual – Thisensang, zunthlum, Oral Cancer, Hnute Cancer leh Chhul Cancer te a thlur bing dawn a. Community intervention hi a tihchhinna (pilot project) Kolasib, Mamit leh Lawngtlai district-ah te thlaruk chhung neih a ni dawn a ni.

SHG Model hi Kolasib District ah hman tum niin, MHIP Model, Mamit District ah leh Lawngtlai District-ah Village Health Sanitation and Nutrition Committee Model hman a ni dawn a ni. Heng pawl thawhpui turte nen hian sum tello thawhhona thuthlung ziah a lo ni tawh bawk.

Pilot intervention hi heng district pathum huam chhunga khaw 56-ah thla 6 chhung atan ruahman a ni. Pilot intervention atanga zir chhuah atangin district zawng zawngah hnathawh chhoh a ni ang.

He hnathawh kalpuina turin master trainer training leh trainer training-te neih tawh niin, hmanrua heng training manual, guideline hrang hrang bakah IEC materials-te siam a ni a.

Hawnna inkhawm ah hian Department atanga mi pawimawh tak tak kal ten thu an sawi a ni. Programme hi Pilot District 3 atangin mipuiten online in an rawn join a, an testimony ngaihthlak ani.