Vawiin khan Aizawl DC/DEO Office Chamber-ah Aizawl District Assembly Constituency huamchhunga critical Polling Station 7-Tuivawl(ST) A.C leh 8 - Chalhfilh (ST) A.C a duty tur a ruat Micro-Observer-te training pek an ni.

Training hi 7-Tuivawl (ST) A.C General Observer Pu V.Sanal Kumar, IAS, 8 – Chalhfilh (ST) A.C General Observer Pu Mayank Warwade, IAS leh Pu C.Lalmuanpuia, SDC ten an pe a. Micro-observer-te tih tur leh enchian tur te inhrilhhriat a ni. Micro-Observer-te hi vote thlak nia duty tur an ni a, vote thlakna hmun an thlen veleh inbuatsaihna a felfai tawk em tih an enfiah tur a ni a, thil thlen dan kimchang Form awmsa angin uluk takin an record tur a ni. Micro-Observer-te tih tur ber chu inthlan boruak ralmuang leh felfai a awm leh awm loh fiah a ni a, engtiklai mahin Presiding Officer emaw Polling Officer angin an awm tur a ni lo. Poll-ah thil felhlel deuh a awm nia an hriat chuan a rang thei ang berin General Observer an hriattir tur a ni a. Inthlan zawh anih hnuah Format awmsa angin General Observer hnenah report an thehlut ang.

Micro-Observer a ruat te hi Sorkar laipui hnuaia Gazetted Officers/ official-te niin, Pachhunga University leh Mizoram University a Asst. Professor te ruat an ni. Polling Station tina duty tur a ruat niin, an vaiin mi 24 an ni. General Observer kaihhruaina hnuaiah an thawk ang.

Vawiin vek khan Aizawl DC/DEO Office Chamber-ah EVM dahna tur Polling Station thliarhranna (randomization and commissioning of EVM) neih a ni bawk.