Nilaini July ni 5 khan Micro Start-Up Capital Competition First Round chu Planning & Programme Implementation Department Conference Hall-ah neih a ni.

Micro Start-Up Capital Competition hi NEDP hnuaia Planning & Programme Implementation Department-in Entrepreneurship Development Scheme (EDS) a kalpui mek ami a ni a. Micro Start-Up Capital Competition First Round hi Mizoram State Entrepreneurship Development Monitoring Committee (MEDMOC) Expert Member ten an endik a. Proposal engemaw zat dawn zingah mi 27-in sector thum (3): Agri Business Solution, Solid Waste Management leh Urban Transport-ah te presentation pe in inelna neih a ni a. Presentation pek te chu Endiktu/Judge ten uluk taka an zirchian hnuah thlanchhuah bik ten Final Round-ah inelna an nei leh ang.