National AIDS Control Program, Phase III (NACP-III) India ram puma kalpui mek ah, hun chanve chhunga hnathawh dan hrang hrang thlirletna - Mid term Review For NACP-III atana India ram state 5 thlan zingah Mizoram state chu telh a ni.
National AIDS Control Program, Phase III hi kum 2007 atanga kum 2012 thleng atana HIV/AIDS dona tura ruahmanna a ni a, hemi kum 5 chhung atana kum chanve (kum 2 leh a chanve)a hnathawh tawh te leh harsatna awm te. Mid Term Review Team hian a hmunah enfiahin, thawmthat ngai awm te bakah hmalak zel dan tur an enfel dawn a ni. Mid Term Review Team ah hian India rama HIV/AIDS dona atana sum thawhtu (Funding agencies) - Global Fund to Fight Tuberculosis and Malaria (GFATM)- Geneva Office, Clinton HIV/AIDS Initiatives (CHAI), Centre for Disease Control (CDC), World Bank, UNICEF, Department for International Development (DFID) leh National AIDS Control Organisation - Delhi atang te in an rawn kal a ni.
Mid Term Review Team te hi Lengpui Airport flight cancel avangin November ni 18 ah Silchar lam atanga Mizoram rawn lutin Kolasib District an tlawh hmasa a. November ni 19 chawhnu lamah Aizawl rawn chhovin Mizoram State AIDS Control Society te nen inkawmna an nei anga, Zirtawpni ni 20 ah Aizawl hmun hrang hrang a HIV/AIDS dona atana hnathawh dan hrang hrang a hmun ngei ah kalin an enkual dawn a ni. Mid Term Review Team te hian an cham chhungin Mizoram Health Minister leh mipawimawh dangte an kawm kual ang a, inrinni ni 21, zing dar 9:30 ah Chief Secretary cum Chairman Executive Committee MSACS hovin Secretariat Conference Hall, New Capital Complex ah sawihona hun hman a ni bawk ang. Ruahman dan chuan inrinni chawhnu ah Lengpui Airport atangin Mizoram an chhuahsan ang.
Mid Term Review Team te hi Lengpui Airport flight cancel avangin November ni 18 ah Silchar lam atanga Mizoram rawn lutin Kolasib District an tlawh hmasa a. November ni 19 chawhnu lamah Aizawl rawn chhovin Mizoram State AIDS Control Society te nen inkawmna an nei anga, Zirtawpni ni 20 ah Aizawl hmun hrang hrang a HIV/AIDS dona atana hnathawh dan hrang hrang a hmun ngei ah kalin an enkual dawn a ni. Mid Term Review Team te hian an cham chhungin Mizoram Health Minister leh mipawimawh dangte an kawm kual ang a, inrinni ni 21, zing dar 9:30 ah Chief Secretary cum Chairman Executive Committee MSACS hovin Secretariat Conference Hall, New Capital Complex ah sawihona hun hman a ni bawk ang. Ruahman dan chuan inrinni chawhnu ah Lengpui Airport atangin Mizoram an chhuahsan ang.
