State Project Officer, Mizoram SSA Mission hnen atanga thu dawn danin Middle Shool Computer Instructor chungchang chu a hnuai ami ang hi a ni.
Kum 2004 atanga tanin SSA Mizoram leh ACES Infotech (Pvt) Ltd., Kolkata te chuan inremna thuthlung (Memorandum of Understanding) siamin Mizoram sikul 140-ah Computer Education an kalpui a. Thawhhona thuthlung ang hian ACES Company hnenah hian Mizoram SSA chuan pawisa a pe a, chumi pawisa hmang chuan ACES company chuan instructor a chhawr a, computer hardware, software, zirlaibu leh furniture thlengin centre tinah a dah a. Kum 2010 khan centre 140 te hi centre 280 ah thendarh a ni a, instructor ho pawh hi a centre tharah dah vek an ni.
He thawhhona thuthlung hi March ni 31, 2012 khan a lo tawp tak avangin heng instructor an rawih mi 140 te hi ACES company chuan a chhawr zui thei ta lova. SSA Project Approval Board Meeting, 6 March, 2012 a neih chuan Computer Aided Learning atana fund reng reng hi hlawh (salary) atan hman a phal bawk si loh avangin Mizoram SSA chuan ACES company Instructor lo chhawr tawh te hi a chhawrzui thei ta bik lo a ni.
