4052/2022-2023

Aizawl, 31st March, 2023 : Mizoram Food Processing Industries Corporation Ltd (MIFCO) Board of Directors meeting vawi 91-na chu vawiin khan an chairman Dr R. Lalthangliana, Minister, Commerce & Industries etc. hovin a pisa ah neih a ni.

Vawiina MIFCO BoD thukhawm hian an hmalaknate an thlirho bakah thil pawimawh hrang hrang an ngaihtuah a, chung zingah chuan Mizoram sorkar-in Mizoram Food Processing Industries Corporation Ltd (MIFCO) chu Mizoram Food Processing Agency (MIFPA) atan a siam fel chungchang pawh a tel a ni.

Mizoram sorkar chuan MIFCO hi Food Processing lama hlawkna nei tura a din nimahse, tunlai khawvelah mimal, pawl leh society tam takin Food Processing ah hma an lak mek avangin, heng mimal leh pawl/society hmala mekte tanpuitu leh kawng hrang hranga an hmalakna tanpuitu atan tha zawk a ringin Agency ah a siam thar ta a ni.

Agency nih dan tur kawng hrang hrang  tihpuitlin a nih tak avangin Sorkar kum thar ( i.e. 1st April, 2023) atangin MIFCO chuan MIFPA tih hming pu-in hna a thawk tan tawh dawn a. Hetiang a nih chuan Food Processing lama hmalatute tan MIFPA chu tangkai tak leh an kawng kawh hmuhtu atan hman a ni dawn ta a ni.