Vawiin chhun dar 12:00 khan Mizoram Food & Allied Industries Corporation Limited (MIFCO) Board of Directors meeting vawi 74-na Agriculture Conference Hall-ah neih a ni a, meeting hi Pu C. Lalruata, Chairman, MIFCO in a kaihruai a. He Board of Directors meeting-ah hian sa sawngbawlna tih changtlun tur (Modern Abbatoir) te, thei leh thlai sawngbawlna kawnga ASIDE Scheme kaltlanga hmalakna leh Sapthei hnianghnar zawka thar chhuah a nih theihna atana hmalakna Captive Farming te chu agenda pawimawh zual te a ni.

Tunah hian MIFCO chuan Tuikum Cluster huam chhungah Passion Fruit (sapthei) chingtu chhungkaw 612 hnenah sapthei tiak 14,40,000 RKVY leh NLUP Convergence scheme hnuaiah a sem chhuak tawh a. Nikum ah private party atangin 4,04,000 sem a ni a, kumin ah private party atangin 2,30,000 leh mother unit atangin 8,06,000 sapthei tiak pakhat Rs. 1.50/- zelin sem chhuah a ni. Thei leh thlai thar chhuah kaltlanga kan intodelh theih nan MIFCO chuan nasa takin tan a la mek a ni.